D’fhormheas Comhairle Stáit na Síne, Comh-Aireacht na Síne, le déanaí go n-ainmneofaí 19 Lúnasa mar Lá na nDochtúirí Síneacha. Beidh an Coimisiún Náisiúnta Sláinte agus Pleanála Teaghlaigh agus ranna gaolmhara i gceannas air seo, agus an chéad Lá na nDochtúirí Síneach le ceiliúradh an bhliain seo chugainn.

Is é Lá na nDochtúirí Síneacha an ceathrú lá saoire gairmiúil reachtúil sa tSín, i ndiaidh Lá náisiúnta na nAltraí, Lá na Múinteoirí agus Lá na nIriseoirí, rud a mharcálann tábhacht na ndochtúirí i gcosaint sláinte daoine.

Beidh Lá na nDochtúirí Síneach á cheiliúradh ar an 19 Lúnasa mar gur tionóladh an chéad Chomhdháil Náisiúnta Sláinteachais agus Sláintíochta san aois nua i mBéising ar an 19 Lúnasa, 2016. Ba chloch mhíle í an chomhdháil do chúis na sláinte sa tSín.

Ag an gcomhdháil, shoiléirigh an tUachtarán Xi Jinping an tábhacht a bhaineann le hobair sláinteachais agus sláinte i bpictiúr iomlán an Pháirtí agus chúis na tíre, chomh maith le treoirlínte a chur i láthair maidir le hobair sláinteachais agus sláinte na tíre sa ré nua.

Tá bunú Lá na nDochtúirí fabhrach chun stádas dochtúirí a fheabhsú i súile an phobail, agus cabhróidh sé le caidreamh comhchuí idir dochtúirí agus othair a chur chun cinn.