Golaha Gobolka, Golaha Xukuumadda Shiinaha, ayaa dhawaan ansixiyay Agoosto 19 in loo asteeyo maalinta Dhakhaatiirta Shiinaha.Guddiga Qaranka ee Caafimaadka iyo Qorsheynta Qoyska iyo waaxaha la xiriira ayaa mas’uul ka noqon doona arrintan, iyadoo maalinta ugu horreysa ee Shiinaha la xusayo sanadka soo socda.

Maalinta Dhakhaatiirta Shiinaha waa fasaxii afraad ee xirfadeed ee Shiinaha, ka dib maalinta qaran ee kalkaalisada, maalinta macalinka iyo maalinta suxufiyiinta, taas oo calaamad u ah muhiimada dhakhaatiirtu u leeyihiin ilaalinta caafimaadka dadka.

Maalinta Dhakhaatiirta Shiinaha ayaa la xusayaa Agoosto 19, sababtoo ah shirkii ugu horreeyay ee Nadaafadda iyo Caafimaadka Qarnigan cusub ayaa lagu qabtay magaalada Beijing Aug 19, 2016. Shirkan ayaa ahaa mid muhiim u ah caafimaadka Shiinaha.

Shirkan ayuu Madaxweyne Xi Jinping ku caddeeyay mowqifka muhiimka ah ee shaqada nadaafadda iyo caafimaadka ee guud ahaan sawirka xisbiga iyo arrimaha dalka, isagoo sidoo kale soo bandhigay habraacyada nadaafadda iyo caafimaadka dalka ee xilliga cusub.

Aasaaska Maalinta Dhakhaatiirta ayaa ah mid ku haboon kor u qaadida maqaamka dhakhaatiirta ee indhaha dadweynaha, waxayna gacan ka geysan doontaa kor u qaadida xiriirka iswaafajinta ee ka dhexeeya dhakhaatiirta iyo bukaanka.