Baraza la Serikali, Baraza la Mawaziri la China, hivi karibuni liliidhinisha Agosti 19 kuteuliwa kuwa Siku ya Madaktari wa China. Tume ya Kitaifa ya Afya na Uzazi wa Mpango na idara zinazohusiana zitasimamia hili, huku Siku ya kwanza ya Madaktari wa China ikiadhimishwa mwaka ujao.

Siku ya Madaktari wa China ni sikukuu ya nne ya kitaaluma nchini China, baada ya Siku ya Wauguzi ya kitaifa, Siku ya Walimu na Siku ya Waandishi wa Habari, ambayo inaashiria umuhimu wa madaktari katika kulinda afya za watu.

Siku ya Madaktari wa China itaadhimishwa Agosti 19 kwa sababu Mkutano wa kwanza wa Kitaifa wa Usafi na Afya katika karne mpya ulifanyika Beijing mnamo Agosti 19, 2016. Mkutano huo ulikuwa hatua muhimu kwa sababu ya afya nchini China.

Katika mkutano huo Rais Xi Jinping alifafanua nafasi muhimu ya kazi ya usafi na afya katika picha nzima ya Chama na harakati za nchi, pamoja na kuwasilisha miongozo ya kazi ya usafi na afya ya nchi katika enzi mpya.

Kuanzishwa kwa Siku ya Madaktari kunasaidia kuimarisha hadhi ya madaktari machoni pa umma, na kutasaidia kukuza uhusiano mzuri kati ya madaktari na wagonjwa.