Këshilli i Shtetit, Kabineti i Kinës, miratoi së fundmi shpalljen e 19 gushtit si Dita e Mjekëve Kinezë. Komisioni Kombëtar i Shëndetit dhe Planifikimit Familjar dhe departamentet përkatëse do të jenë përgjegjëse për këtë, dhe Dita e parë e Mjekëve Kinezë do të festohet vitin e ardhshëm.

Dita e Mjekëve Kinezë është festa e katërt profesionale statutore në Kinë, pas Ditës Kombëtare të Infermierëve, Ditës së Mësuesve dhe Ditës së Gazetarëve, e cila shënon rëndësinë e mjekëve në mbrojtjen e shëndetit të njerëzve.

Dita e Mjekëve Kinezë do të festohet më 19 gusht, sepse Konferenca e parë Kombëtare e Higjienës dhe Shëndetit në shekullin e ri u mbajt në Pekin më 19 gusht 2016. Konferenca ishte një moment historik për kauzën e shëndetit në Kinë.

Në konferencë, Presidenti Xi Jinping sqaroi pozicionin e rëndësishëm të punës për higjienën dhe shëndetin në të gjithë tablonë e Partisë dhe të kauzës së vendit, si dhe paraqiti udhëzime për punën për higjienën dhe shëndetin e vendit në epokën e re.

Vendosja e Ditës së Mjekut ndihmon në përmirësimin e statusit të mjekëve në sytë e publikut dhe do të ndihmojë në promovimin e marrëdhënieve harmonike midis mjekëve dhe pacientëve.