Hytaýyň Ministrler Kabineti bolan Döwlet Geňeşi ýakynda 19-njy awgusty Hytaý lukmanlarynyň güni hökmünde belläp geçmegi tassyklady. Milli Saglygy goraýyş we maşgala meýilnamalaşdyryş komissiýasy we degişli edaralar bu işe jogapkär bolarlar, ilkinji Hytaý lukmanlarynyň güni bolsa geljek ýyl belleniler.

Hytaý lukmanlarynyň güni Hytaýda milli şepagat uýalarynyň gününden, mugallymlaryň gününden we žurnalistleriň gününden soň dördünji kanuny hünär baýramçylygy bolup, lukmanlaryň adamlaryň saglygyny goramakdaky ähmiýetini belleýär.

Hytaý lukmanlarynyň güni 19-njy awgustda belleniler, sebäbi täze asyryň ilkinji Milli Gigiýena we Saglyk Maslahaty 2016-njy ýylyň 19-njy awgustynda Pekinde geçirildi. Bu maslahat Hytaýyň saglygy goraýyş işi üçin möhüm waka boldy.

Maslahatda Prezident Si Szinpin partiýanyň we ýurduň işiniň umumy keşbinde arassaçylyk we saglygy goraýyş işiniň möhüm ornuny aýdyňlaşdyrdy, şeýle hem täze döwürde ýurduň arassaçylyk we saglygy goraýyş işleri üçin görkezmeleri hödürledi.

Lukmanlar gününiň döredilmegi lukmanlaryň jemgyýetçiligiň gözünde abraýyny ýokarlandyrmaga ýardam edýär we lukmanlar bilen hassalaryň arasynda sazlaşykly gatnaşyklary ösdürmäge ýardam eder.